الثلاثاء 8 يناير 2013
جوج كلمات : لا إنارة عمومية بالمحمدية
ولا هم يحزنون والجهة الوصية في دار غفلون
لقاءنا الصباحي فجوج كلمات كيتجدد اليوم بموضوع جديد وهام وجا تحت طلب الساكنة ، الا وهو الانارة العمومية بالمحمدية مالها وماعليها.
فعلا وباختصار وكما تقول الساكنة وكل زائر للمحمدية : الضو ديال الزنقة عندنا مضوي غير على راسو ..ولبوطوات طول من العمارات..اوا اش هذا ؟ اش من ضو هذا ؟
فعلا الانارة العمومية في المحمدية لاترقا بتاتا لتطلعات وحاجيات المواطنين والسائقين ولا تتماشى مع الهدف الذي احدثت لاجله لافي الازقة او الاحياء او حتى الشوارع الرئيسية بالمحمدية ونذكر هنا شارع الحسن الثاني نشاهد اذن بالصورة على مستوى مطحنة المغرب سابقا ..نشوفو ماشي بولا وحدا ولا جوج اللي طافيين صف على قدو ولايام هو على هاذ الحال ..اوا فين الصيانة وفين المراقبة من الجهة اللي فوضاتها هاذ القطاع ؟ واش في دار غفلون ؟الغريب في الامر هو انو ولو يشعلو هاذ المصابيح ، السؤال المضحك ..اش غ يضويو؟ طبعا كيضويو على راسهم اوا نقولوها بصراحة في محمدية بريس : ” كيضحكو على الشعب” وكيضحكو على الشعب والاستهتار بيه ماشي غي في هاذي ، نسمعو بعدا اش كيتقال: …….شاهد الفيديو
وكنشوفو دبا بالصورة العشوائية فالاعمدة الكهربائية في جميع الاحياء بالمحمدية ، لخيوطا تاع الكهرباء دايزين من بوطو لبوطو في السما بشكل مقزز وطبعا كيشوه الجمالية تاع المدينة وطبعا حنا الان كنعيشو فترات اعادة الاعتبار للمحمدية ولجمالها من خلال حملة السلطات ضد احتلال الملك العمومي ، اوا اش يتسما هذا ؟ وما تفسير هذا ؟ ملي كيوليو لخيوطا تاع الضو غادين من بوطو لبوطو في السما ، اكيد هاذي فوضى ، سببها غياب المراقبة والمحاسبة .
ونشوفو مزيد من الفوضى واللانظام وتعريض المواطن للخطر بسبب غياب الصيانة كنشوفو فعدد كبير من الاعمدة غياب اغطية في البوسط تاعها طبعا معروف اي طفل خاصة الا قاصها النتيجة معروفة وطبعا رد الشركة معروف حيث غ تقول : ” الاغطية كيحيدوهم ع المواطنين” اوا كيحيدوهم المواطنين حيث معمولين بطريقة غير جيدة وتاخذ في الحسبان هاذ القضية ولكن هناك اعمدة تخذا في الحسبان هاذ المسالة ولكن الكثير الكثير من الاعمدة عريانة بصراحة.
ونختمو جوج كلمات بالمشكل تاع البولونات اللي بجنب عدد كبير من الاعمدة واللي كيتسببوا في الادى للمواطنين اثناء المشي والسير ، اوا ها لي طاح ها اللي زلك ومن زمان وهما هكاك ماتزالوش وازالتهم ماتكلفش الشركة الكثير خصوصا انها تجني من المواطن المال الوفير ، اوا اسيادنا هذا هو حال الانارة العمومية بالمحمدية والله يصوب حالنا.
